Yaponiya Britaniyaya 155 mm-lik artilleriya sursatlarının ixracına başlamaq niyyətindədir

Yaponiya silah ixracı qaydalarını dəyişdirərək Böyük Britaniyanı artilleriya sursatları ilə təchiz etməyə başlaya bilər.

Bu barədə “Report” “Financial Times” qəzetinə istinadən xəbər verir.

Nəşrin məlumatına görə, Britaniyanın “BAE Systems” şirkətinin lisenziyası əsasında Yaponiyada istehsal olunan 155 mm-lik mərmilər Birləşmiş Krallığın anbarlarında tükənmiş silah və sursat ehtiyatlarının doldurulması məsələsinin həllinə kömək edə bilər.

Qəzet yazır ki, Yaponiya hökuməti cari silah ixracı qaydalarının yumşaldılmasını cümə günü elan etməyi planlaşdırır. Amerika mətbuatının yazdığına görə, bu addım ilk növbədə ABŞ-a “Patriot” zenit-raket kompleksləri üçün sursat tədarükünü artıracaq.