Ursula fon der Leyen: "Avropa İttifaqı Monteneqronun quruma üzv olmasını istəyir"

Avropa İttifaqı Monteneqronun quruma üzv olmasını istəyir.

"Report" TASS-a istinadən xəbər verir ki, bunu Avropa Komissiyasının rəhbəri Ursula fon der Leyen bu ölkəyə səfəri zamanı bildirib.

"Mənim səfərim birbaşa Avropa perspektivinə aiddir, sizi dəstəkləmək üçün gəlmişəm. Bu yolda qalmağınız vacibdir. İşarəmiz aydındır: Avropa İttifaqına üzv olmağınızı istəyirik", - Avropa Komissiyasının rəhbəri bildirib.

Qeyd edək ki, 2018-ci ilin payızında Avropa Komissiyasının o vaxtkı prezidenti Jan-Klod Yunker Serbiya və Monteneqronun 2025-ci ilə qədər Avropa İttifaqına daxil ola biləcəyini demişdi.