Tramp: Netanyahu gələn həftə ABŞ-yə səfər edə bilər

ABŞ Prezidenti Donald Tramp İsrail Baş naziri Binyamin Netanyahunun gələn həftə ABŞ-yə gələ biləcəyini bildirib.

Report-un məlumatına görə, Amerika liderinin sözlərini “Reuters” agentliyi yayıb.

Bundan başqa, Tramp Netanyahu ilə söhbət etdiyini təsdiqləyib. Mümkün səfərlə bağlı digər təfərrüatlar verilməyib.

Daha əvvəl İsrail Baş nazirinin ofisi bildirmişdi ki, Budapeştdə olan Netanyahu və Macarıstanın Baş naziri Viktor Orban ABŞ Prezidenti ilə birgə söhbət aparıblar. Söhbətin mövzusu Budapeştin Beynəlxalq Cinayət Məhkəməsi ilə əməkdaşlığı dayandırmaq qərarı olub.