Tramp: İran husilərə dəstəyi tamamilə dayandırmalıdır

İran “Ənsar Allah” üsyançı hərəkatının Yəmən husilərinə dəstəyini tamamilə dayandırmalıdır.

“Report” xəbər verir ki, bu barədə ABŞ Prezidenti Donald Tramp "X" sosial şəbəkəsində yazıb.

"İran husilərə göstərdiyi dəstəyi azaltsa da, tədarük səviyyəsinin hələ də yüksək olduğu barədə xəbərlər var. İran bunu dərhal dayandırmalıdır. Qoy husilər təkbaşına mübarizə aparsınlar", - Tramp qeyd edib.

ABŞ lideri husilərin onsuz da məğlub olacağını, artıq böyük itkilər verdiyini və vəziyyətin daha da pisləşəcəyini bildirib.

“Onlar tamamilə məhv ediləcək”, - Tramp vurğulayıb.