Tramp Hindistan və Pakistan arasındakı döyüşlərə münasibət bildirib

ABŞ prezidenti Donald Tramp Hindistan və Pakistan arasında yenidən başlayan döyüşlərə münasibət bildirib.

“Report” xəbər verir ki, Ağ Ev lideri vəziyyətin tezliklə həll olunacağına ümid etdiyini bildirib.

“Bu, biabırçılıqdır. Biz bunu indicə öyrəndik. Düşünürəm ki, insanlar tarixə nəzər salsaq, nəyinsə baş verəcəyini bilirdilər. Onlar uzun müddətdir ki, münaqişədədirlər. Çox, onilliklər, hətta əsrlərdir. Ümid edirəm ki, bu, tezliklə bitəcək”.

Qeyd edək ki, Hindistanın Pakistanın üç şəhərinə raket zərbələri endirməsindən sonra rəsmi İslamabad hava məkanını bağlayıb, qırıcı təyyarələrini səmaya qaldırıb. Hindistanın hücumu nəticəsində biri uşaq olmaqla azı iki nəfər ölüb, 12 mülki şəxs isə yarlanıb.