Tramp Çinlə müqavilə şərtini açıqlayıb

ABŞ Prezidenti Donald Tramp bildirib ki, Birləşmiş Ştatlat Çinlə yalnız ölkələr arasında ticarət kəsiri aradan qaldırılarsa, saziş bağlaya bilər.

“Report” xəbər verir ki, bu barədə Ağ Ev rəhbəri Oval kabinetdə çıxışında bildirib.

Tramp vurğulayıb ki, ABŞ Çinə görə ildə yüz milyardlarla dollar itirir. Ona görə də ticarət kəsiri problemi həll olunmayınca, Vaşinqton Pekinlə razılaşmaya razı olmayacaq.

Prezident qeyd edib ki, ABŞ Çinə qarşı sərt sanksiyalar tətbiqi ilə tamamilə düzgün hərəkət edir.