Tramp Baydendən Putinlə görüşdə yatmamağı xahiş etdi

ABŞ-ın sabiq prezidenti Donald Tramp xələfi Cozef Baydenə Rusiya Federasiyasının prezidenti Vladimir Putinlə görüşdə yatmamağı arzulayıb və ən yaxşı arzuları çatdırmağı xahiş edib.

Bu barədə “Report” “RİA Novosti”yə istinadən xəbər verir.

"Prezident Putinlə danışıqlarda Baydenə uğurlar! Görüş zamanı yatma və zəhmət olmasa ona (Putinə-red) mənim ən yaxşı arzularımı çatdır", - Tramp deyib.

Qeyd edək ki, Tramp seçkiqabağı kampaniyasının gedişatında da öz opponentini dəfələrlə "yuxulu Co" adlandırıb.

Rusiya-ABŞ sammiti iyunun 16-da İsveçrənin Cenevrə şəhərində olacaq.