Əfqanıstanın şərqində yerləşən Nanqahar əyalətindəki nəzarət-buraxılış məntəqəsinə “Taliban” silahlılarının hücumu nəticəsində 8 hərbçi ölüb, 3-ü yaralanıb.
“Report” xəbər verir ki, bu barədə “RİA Novosti”yə Əfqanıstanın təhlükəsizlik qüvvələrindən bildiriblər.
Məlumata görə, hücum iyulun 29-da yerli vaxtla gecə saatlarında əyalətin şərqində yerləşən Kuzbahar rayonundakı nəzarət-buraxılış məntəqəsində baş verib.
Qeyd edək ki, ABŞ və NATO qoşununu Əfqanıstandan çıxarmağa başlayandan sonra “Taliban” fəallaşıb. Qruplaşma ölkənin 85 faizinə nəzarət etdiyinin iddia edir.