“SpaceX” şirkəti “Crew Dragon”un buraxılışını təxirə salıb

Amerikanın “SpaceX” şirkəti çərşənbə günü planlaşdırılan “Crew Dragon” kosmik gəmisinin buraxılışını təxirə salıb.

“Report” xəbər verir ki, bu barədə şirkət mütəxəssisləri SpaceX-in rəsmi saytında yayımlanan verilişdə bildiriblər.

“Başlamaq üçün növbəti fürsətimiz olana qədər gözləyəcəyik. Bu həftə bir neçə belə fürsət olacaq. Konveyer/quraşdırıcıdakı sıxac qolunu əhatə edən yerdəki hidravlik problemə görə buraxılışdan imtina etdik. Komandalar bu məsələni araşdırmaqda davam edəcək və dəqiq nə baş verdiyini öyrənmək üçün əlavə məlumatlar əldə edəcəklər”, - məlumatda vurğulanıb.