Şimali Atlantika Alyansı strateji konsepsiyasını yeniləyəcək

“Şimali Atlantika Alyansı (NATO) Rusiyanın konstruktiv tərəfdaş olaraq təyin olunduğu strateji konsepsiyasını yeniləyəcək”.

“Report” xəbər verir ki, bunu ABŞ-ın milli təhlükəsizlik müşaviri Cek Sallivan deyib.

Onun sözlərinə görə, son strateji konsepsiya 2010-cu ildə yenilənib:

“Digər şeylər arasında Rusiya konstruktiv tərəfdaş olaraq təyin edilib və Çindən ümumiyyətlə danışılmır. Artıq bu, yeni reallıqlarla uzlaşmır. Beləliklə, NATO-nun strateji konsepsiyasını yeniləməyin vaxtı gəlib”.