Si Cinpin Çinin Tramp administrasiyası ilə işləməyə hazır olduğunu açıqlayıb

Çin Xalq Respublikasının Sədri Si Cinpin Amerika lideri Cozef Baydenlə görüşdən əvvəl bildirib ki, Çin hakimiyyəti 2025-ci il yanvarın 20-də ölkəyə rəhbərlik edəcək ABŞ-ın yeni seçilmiş prezidenti Donald Trampın administrasiyası ilə işləməyə hazırdır.

“Report” xəbər verir ki, bu barədə Ağ Evin mətbuat xidmətinin yaydığı bəyanatda deyilir.

Onun sözlərinə görə, Pekin iki xalqın rifahı naminə ABŞ-ın yeni administrasiyası ilə əlaqə saxlamaq, əməkdaşlığı genişləndirmək və fikir ayrılıqlarını həll etmək üçün işləməyə hazırdır.

“Bu yaxınlarda ABŞ-da seçkilər başa çatıb. Çinin məqsədi Çin və ABŞ arasında sabit, sağlam və davamlı əlaqələrdir. Bu məqsəd dəyişməz olaraq qalır”.