Seysmoloqlar Myanmada 4,6 maqnitudalı iki yeni zəlzələ qeydə alıb

Bu gün güclü zəlzələnin baş verdiyi Myanmada 4,6 maqnitudalı yeni yeraltı təkanlar qeydə alınıb.

“Report” TASS-a istinadən xəbər verir ki, bu barədə ABŞ Geoloji Xidməti məlumat yayıb.

Yeni təkanlar 7,7 maqnitudalı güclü zəlzələdən təxminən bir saat sonra, yerli vaxtla saat 12:50 radələrində qeydə alınıb. Təxminən 10 dəqiqədən sonra 6,4 maqnitudalı yeni zəlzələ baş verib.

Birinci zəlzələdən təxminən bir saat sonra 80 km şimalda 10 dəqiqə ərzində 4,6 maqnitudalı təkanlar qeydə alınıb.