Sakit okeanda 5,7 bal gücündə zəlzələ baş verib

Bakı. 29 yanvar. REPORT.AZ/ Sakit okeanın mərkəzi hissəsində, Tonqa adaları yaxınlığında 5,7 bal gücündə zəlzələ baş verib.

"Report" "RİA Novosti"yə istinadən xəbər verir ki, bu barədə ABŞ-ın Geologiya Xidməti məlumat yayıb.

Məlumata görə, yeraltı təkanlar yerli vaxtla saat 11:32-də qeydə alınıb. Zəlzələnin episentri Hixifo yaşayış məntəqəsindən 109 kilometr şimal-şərqdə qeydə alınıb. Zəlzələ ocağı 10 kilometr dərinlikdə yerləşib.

Dağıntı və ya xəsarət alanlar barəsində məlumat verilmir. 

Sunami təhlükəsi elan olunmayıb.