Rusiya ordusu Ukraynanın bir neçə vilayətinə geniş miqyaslı hücumlara başlayıb

Ukraynanın Xarkov, Dnepropetrovsk və Odessa vilayətlərinə Rusiya ordusu tərəfindən geniş miqyaslı hava hücumları başlayıb.

"Report"un Şərqi Avropa bürosunun məlumatına görə, əsasən dronlardan ibarət olan hücunlar nəticəsində Odessada hazırda partlayışlar davam edir.

Dneprovsk vilayətində əsas hədəf Kirovoy Roq şəhəridir.

Xarkov şəhəri və vilayətin şərq rayonları da dron hücumlarına məruz qalır. Partlayışlar var, hücumların nəticələri ilə bağlı yaxın saatlarda məlumat veriləcək. Ukraynanın mərkəzi və şərq vilayətlərində hava həyəcan siqnalları davam edir.