Rusiya bir neçə xarici diplomatı ölkələrinə göndərib

Bakı. 17 noyabr. REPORT.AZ/ Rusiyadan bir neçə xarici diplomat ölkələrinə göndəriliblər. "Report" "RİA Novosti"yə istinadən xəbər verir ki, "statusları ilə fəaliyyətləri bir araya sığmayan" bir neçə polşalı diplomat Moskvadan xaric ediliblər. 

Rusiya XİN-dən bildiriblər ki, bu addım Polşadan rus diplomatlarının xaric edilməsinə cavab olaraq atılıb. 

Həmçinin Moskvadan Almaniya səfirliyinin bir əməkdaşı da xaric edilib. 

Rusiya Xarici İşlər Nazirliyindən bunu AFR-də Rusiya diplomatik missiyasının əməkdaşına qarşı münasibətə cavab addım adlandırıblar.