Dmitriy Roqozin: Söz azadlığı adı altında müqəddəs dəyərləri təhqir etmək olmaz

Bakı. 12 yanvar. REPORT.AZ/ Rusiya baş nazirinin müavini Dmitriy Roqozin bildirib ki, insanların müqəddəs dəyərlərinin təhqir edilməsi fikir ya da söz azadlığı olaraq qəbul edilə bilməz.

"Report" Gazeta.Ru-ya istinadla xəbər verir ki, Fransada "Charlie Hebdo" jurnalının redaksiyasına edilən hücum mövzusunu "Twitter" sosial şəbəkəsində şərh edən D.Roqozin terroristlərin qanlı əməlini pisləyib: "Terror aktlarına bəraət qazandırıla bilməz. Terrorizm - bəladır. Ancaq söz azadlığı adı altında müqəddəs dəyərlərin təhqir edilməsi də yol verilməzdir".