Yuxarı
    Bağlamaq

    Rumıniyanın keçmiş naziri 6 il azadlıqdan məhrum edilib

    Bu işlə bağlı Rumıniya Boks Federasiyasının sədri Rudel Obrejə 5 il həbs cəzası verilib

    Bakı. 29 mart. REPORT.AZ/ Rumıniyanın keçmiş regionların inkişafı və turizm naziri Yelena Udrya vəzifə səlahiyyətlərini aşdığı üçün 6 il müddətinə azadlıqdan məhrum edilib.

    “Report” “Ukrinform”a istinadən xəbər verir ki, Rumıniyanın Ali Kassasiya Palatası sabiq nazirlə bağlı qərar çıxarıb.

    İnformasiyaya əsasən, keçmiş nazir 2011-ci ildə rəhbərlik etdiyi Reginoların İnkişafı və Turizm Nazirliyinin büdcəsindən rumıniyalı boksçu Luçiana Bute və fransalı idmançı Jan-Pol Mendi arasında keçirilən yarışa maliyyə vəsaitinin ayrılması haqda göstəriş verərək, vəzifə səlahiyyətini aşıb.

    Məlumata görə, Y.Udrya boks yarışlarını turist obyektlərində keçirilməsinin təşkilinə və turizm infrastrukturu tikintisinə kommersiya təşkilatlarından maliyyə vəsaiti alırmış. Bu iş üzrə bir neçə nəfər barəsində cinayət işi açılıb. Bu işlə bağlı Rumıniya Boks Federasiyasının sədri Rudel Obrej 5 il müddətinə azadlıqdan məhrum edilib.

    Qeyd edək ki, Y.Urdya 2008-2012-ci illərdə Emil Bokanın hökumətində nazir postu tutub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi