ABŞ dövlət katibi: Ukrayna nizamlanmasında Aİ də iştirak etməlidir

Ukraynada yaşanan münaqişəyə cəlb olunmuş bütün tərəflər, o cümlədən Avropa İttifaqı (Aİ) nizamlanmada iştirak etməlidir.

“Report” xəbər verir ki, bu barədə “Bloomberg” agentliyi ABŞ dövlət katibi Marko Rubionun sözlərinə istinadən məlumat yayıb.

"Münaqişəyə cəlb olunan hər kəs danışıqlarda iştirak etməlidir. Müəyyən məqamda Aİ də danışıqlar masasında olmalıdır", - o, ABŞ və Rusiya nümayəndələrinin Səudiyyə Ərəbistanındakı görüşündən sonra bildirib.

Daha əvvəl Rusiya xarici işlər nazirinin müavini Aleksandr Qruşko Aİ-nin danışıqlarda iştirakının istisna təşkil etdiyini bildirmiş, bununla belə, Brüsselin Kiyevə hərbi və digər yardımı dayandırmaqla münaqişənin nizamlanmasında rol oynaya biləcəyini qeyd etmişdi.