Qvatemalada sürüşmə nəticəsində ölənlərin sayı 102-ya çatıb

Bakı. 4 oktyabr. REPORT.AZ/ Qvatemalanın Santa-Katarina-Pinula şəhərində ötən gün baş verən torpaq sürüşməsi nəticəsində ölənlərin sayı 102 nəfərə çatıb.

"Report" RİA "Novosti" agentliyinə istinadən xəbər verir ki, sürüşmə zamanı 125 ev torpaq altında qalıb. 300-ə yaxın insan itkin hesab olunur.

Həlak olanların 17-si uşaqdır. Yüzlərlə insanın cəlb olunduğu xilasetmə əməliyyatı bu gün də davam edib.

.