Qəzzada İsrail ordusunun daha 3 hərbçisi ölüb

İsrail ordusu Qəzzada HƏMAS hərəkatı ilə döyüşlər nəticəsində daha 3 hərbçisinin öldüyünü açıqlayıb.

“Report” xəbər verir ki, bu barədə TASS məlumat yayıb.

Qeyd edilib ki, son məlumatlar nəzərə alınmaqla quru əməliyyatı başlayandan bəri ölən əsgər və zabitlərin sayı 232-yə yüksəlib.

HƏMAS-la İsrail arasında ötən il oktyabrın 7-də münaqişənin gərginləşməsindən sonra isə İsrailin ordusunun ümumi itkiləri 569 nəfərə çatıb.