Qəzza sektorunda toqquşmalarda 1 fələstinli həlak olub, 30 nəfər xəsarət alıb

Qəzza sektorunda İsrail hərbçiləri ilə toqquşmalarda 1 fələstinli həlak olub, azı 30 nəfər xəsarət alıb.

"Report" "RİA Novosti"yə istinadən xəbər verir ki, bu barədə Fələstinin Səhiyyə Nazirliyinin mətbuat nümayəndəsi Vəfa Yaqi bildirib.

"Anklavın şərq sərhədində İsrail ordusu ilə toqquşmalarda 24 yaşlı fələstinli həlak olub və 30 nəfər xəsarət alıb", - deyə o bildirib.

Daha əvvəl bildirilirdi ki, İsrail və Fələstin nümayəndələri Qəzza zolağının yəhudi hərbçiləri tərəfindən raket atəşinə tutulmasından sonra atəşkəsə dair razılaşma əldə ediblər.