Qərbi Qazaxıstanda Uralda suyun səviyyəsinin qalxması ilə əlaqədar insanların təxliyəsinə başlanılıb

Qərbi Qazaxıstan vilayətində Ural çayında suyun səviyyəsinin qalxması ilə əlaqədar insanların erkən evakuasiyasının ikinci mərhələsi başlayır.

“Report” xəbər verir ki, bu barədə baş nazirin müavini Nurlan Baybazarov danışıb.

O, bildirib ki, çayda suyun səviyyəsi 703 sm-ə çatıb və artmaqda davam edir. Bu səbəbdən də çayın məcradan çıxması təhlükəsi yarandığından evlərdə və bağ evlərində yaşayan əhali köçürüləcək.

Aprelin 8-i günortadan sonra Rusiya Fövqəladə Hallar Nazirliyi Orenburq vilayətinin İlek rayonunda Ural çayında suyun səviyyəsinin 890 sm-lik təhlükəli həddi keçdiyini bildirib.