Makron Putin və Zelenski ilə telefonla danışıb

Rusiya Prezidenti Vladimir Putinlə fransalı həmkarı Emmanuel Makron arasında telefon danışığı olub.

“Report” TASS-a istinadən xəbər verir ki, bu barədə Prezidentin mətbuat xidmətindən məlumat verilib.

Liderlər Ukrayna ətrafındakı vəziyyəti bütün aspektləri ilə müzakirə ediblər. Makron münaqişənin Kiyevlə diaqloq yolu ilə həllində maraqlı olduğunu bildirib. O, tərəfləri atəşkəsə çağırıb. 

Putin isə öz növbəsində danışıqlara hazır olduğunu bildirib. Rusiya liderinin sözlərinə görə, onlar mülki vətəndaşlar üçün təhdid yaratmırlar.

Həmçinin Fransanın dövlət başçısı Emmanuel Makronla Ukrayna Prezidenti Volodimir Zelenski arasında da telefon danışığı olub.