Bakı. 30 noyabr. REPORT.AZ/ Fransa paytaxtı Parisdəki Respublika meydanında bazar günü baş verən iğtişaşlardan sonra polis olaylarda iştirak etmiş 317 nəfəri saxlayaraq müvəqqəti nəzarət altına alıb. "Report" TASS-a istinadən xəbər verir ki, bu barədə Paris polis prefekturası məlumat verib.
Nümayişlər zamanı çox güman, ətraf mühitin mühafizəsi tərəfdarlarına aidiyyəti olmayan ekstremistlər polislərə daş, şüşə qab atıb, hətta noyabrın 13-də Parisdə baş vermiş terror hücumları zamanı ölənlərin xatirəsinə qoyulmuş güllərin arasındakı yanar şamlardan da istifadə ediblər.
"Bu hərəkətlər terror aktları qurbanlarına hörmət olaraq, ən ciddi cəzaya layiqdir", - daxili işlər naziri Bernar Kaznöv bildirib.