Pakistanın keçmiş baş nazirinə və ailə üzvlərinə qarşı yeni ittiham irəli sürülüb

Bakı. 19 oktyabr. REPORT.AZ/ Pakistan məhkəməsi keçmiş baş nazir Nəvaz Şərifə, onun qızı Məryəm Nəvaza və kürəkəni Məhəmməd Safdara qarşı korrupsiya ittihamı irəli sürüb.

“Report” TASS-a istinadən xəbər verir ki, onların heç biri özlərini təqsirli bilməyib.

Qeyd edək ki, Nəvaz Şərif 3 dəfə (1990-1993, 1997-1999, 2013--2017-ci illərdə) Pakistanın baş naziri olub. Bu ilin iyulun 28-də Pakistanın Ali Məhkəməsi onun barəsində vəzifəsinə uyğun gəlməməsi ilə bağlı qərar qəbul edib. Bundan sonra N.Şərif istefa verib.