Pakistanda leysan yağışlar 10 nəfərin ölümünə səbəb oldu

Pakistanın qərbindəki Pəncab əyalətinə yağan leysan yağışlar bir sıra fəsadlar törədib.

“Report” xəbər verir ki, bu barədə "Sinxua" agentliyi bildirib.

Qeyd edilir ki, yağışlar nəticəsində baş verən bədbəxt hadisələr 10 insanın ölümünə və üç nəfərin xəsarət almasına səbəb olub.

Məlumata görə, leysan yağışlar zamanı Okara şəhərindəki evlərdən birinin damı çöküb, dördü uşaq olmaqla səkkiz nəfər ölüb və üç nəfər yaralanıb.

Bundan başqa bir nəfər ildırım vurması, digər şəxs evin divarının üzərinə aşması nəticəsində vəfat edib.