Özbəkistan Prezidenti Çin lideri ilə görüşəcək

Özbəkistan Prezidenti Şavkat Mirziyoyev Çinə səfərə gedib.

"Report" xəbər verir ki, məlumatı Özbəkistan Prezidentinin mətbuat xidməti məlumat yayıb.

Qeyd edilib ki, o, Çin Xalq Respublikasının sədri Si Cinpinlə danışıqlar aparacaq.

Məlumatda həmçinin Ş.Mirziyoyevin mayın 19-da keçiriləcək Mərkəzi Asiya-Çin sammitində iştirak edəcəyi bildirilib.

Vurğulanıb ki, Sian şəhərində Si Cinpinin sədrliyi ilə keçiriləcək sammitdə Qazaxıstan, Qırğızıstan, Tacikistan və Türkmənistan liderlərinin də iştirakı nəzərdə tutulub.