Nyu Yorkda naməlum şəxs sığorta şirkətinin rəhbərini güllələyib

ABŞ-nin “UnitedHealthcare” sığorta şirkətinin baş icraçı direktoru, 50 yaşlı Brayan Tompson Nyu Yorkda güllələnib.

“Report” xəbər verir ki, bu barədə “The New York Post” (NYP) polisdəki mənbələrinə istinadən məlumat yayıb.

Məlumata görə, qətl dekabrın 4-də səhər saatlarında Manhettendəki “Hilton” hotelinin yaxınlığında baş verib.

Qeyd olunur ki, naməlum şəxs Tomsona atəş açdıqdan sonra hadisə yerindən qaçıb. Digər təfərrüatlar hələlik verilməyib.