Nigeriyada quldurlar dinc əhaliyə hücum edib, ölənlər var

Nigeriyanın şimalında yerləşən iki kəndə quldurlar tərəfindən hücum olub.

"Report" xəbər verir ki, bu barədə "Sinxua" agentliyi məlumat yayıb.

Məlumata görə, Yaqbak və Unqvan-Ruxuqo kəndlərinə edilən hücum zamanı 10 dinc sakin öldürülüb, çoxlu evlər talan edilib.

Qeyd edək ki, Nigeriyada dinc əhaliyə qarşı hücumlar son 3 ildə artıb. Hökumət hücumların qarşısını almaq üçün xüsusi polis və ordu birləşmələrindən istifadə edir. Bundan əlavə, kəndlərdə yerli milis bölmələri də yaradılıb.