Nigeriyada qayığın batması nəticəsində onlarla insan ölüb

Nigeriyanın mərkəzi Kvara əyalətində qayığın batması nəticəsində onlarla insan həlak olub.

"Report" xəbər verir ki, bu barədə "Sinxua" agentliyi qubernator Abdulrahman Abdulrazaka istinadən məlumat yayıb.

Qayıqda olanlar qonşu Niger əyalətindən toydan qayıdıblar.

A.Abdulrazak qeyd edib ki, xilasetmə işləri davam etsə də, artıq xeyli insan həlak olub. Qubernator qurbanların dəqiq sayını açıqlamayıb.

Eyni zamanda, bir sıra xarici KİV-lər ölənlərin sayının 100 nəfəri keçdiyini yazıb. CNN iddia edir ki, qayıqda 300-ə qədər adam olub ki, onlarda 100-ü ölüb. İlkin versiyaya görə, hadisəyə qayığın həddindən artıq yüklənməsi səbəb olub.