Nigeriyada daşqınlar 170-dən çox insanın həyatına son qoyub

Nigeriyada bir neçə həftədir davam edən daşqınlar 170-dən çox insanın ölümünə, 200 mindən çox sakinin isə məcburi köçkün vəziyyətinə düşməsinə səbəb olub.

"Report"un xarici məbuata istinadən məlumatına görə, bu barədə ölkənin Fövqəladə Hallar üzrə Milli İdarənin nümayəndəsi Manzo Ezekiel bildirib.

CNN ona istinadən xəbər verib ki, təbii fəlakətdən ən çox Nigeriyanın şimal bölgələri zərər çəkib. Güclü yağıntılar və iki ən böyük çayın - Niger və Benuenin səviyyəsinin qalxması səbəbindən ölkənin digər bölgələrini də ciddi təhlükə gözləyir. Su təchizatının çirklənməsi səbəbindən vəba xəstəliyinin yayılması riski var.

Öz növbəsində, Nigeriyanın Hidroloji Xidmətlər Agentliyi yuxarı axar ölkələrdəki su anbarlarında tullantılar səbəbindən Niger çayında suyun səviyyəsinin qalxması təhlükəsi barədə xəbərdarlıq edib.