Nigeriyada azı 48 nəfər yol qəzasında yanaraq ölüb

Nigeriyada baş verən ağır yol qəzasında ən azı 48 nəfər həlak olub.

“Report” xəbər verir ki, bu barədə “Punch” qəzeti yazıb.

Qeyd olunub ki, Niger ştatında yanacaq daşıyan avtomobil sərnişin aparan digər nəqliyyat vasitəsilə toqquşub. Nəticədə yanğın baş verib.

Niger ştatının Fövqəladə Hallar üzrə Dövlət Agentliyinin baş direktoru Abdullahi Baba-Arabın sözlərinə görə, yanğın nəticəsində tanınmaz halda olan azı 48 nəfərin meyiti müsəlman adətlərinə uyğun olaraq artıq həmin gün dəfn edilib.

Ölən və yaralananların ümumi sayı hələ müəyyən edilməyib. Hazırda hadisə yerində axtarış-xilasetmə işləri aparılır.