Qəzzaya zərbələr Netanyahunun işi üzrə iclasın təxirə düşməsinə səbəb olub

İsraildə məhkəmə Qəzza zolağında döyüş əməliyyatlarının yenidən başlaması səbəbindən ölkənin Baş naziri Benyamin Netanyahuya qarşı planlaşdırılan iclasını ləğv edib.

“Report” TASS-a istinadən xəbər verir ki, bu barədə İsrailin “Ynet” portalı məlumat yayıb.

Baş nazir baş prokurorluğun razılığı ilə müvafiq vəsatət təqdim edib və məhkəmə tərəfindən təmin olunub. Planlaşdırılan iclasda məhkəmənin baş nazirin ifadələrini dinləyəcəyi gözlənilirdi.

Martın 18-də İsrail Ordusu Qəzza zolağında HƏMAS-a məxsus terror obyektlərinə genişmiqyaslı zərbələr endirdiyini bildirib. Netanyahunun ofisi İsrailin anklavın ərazisində HƏMAS-a qarşı hərbi əməliyyatları yenidən başlatdığını bəyan edib.