Nazarbayevin qohumu 12 il müddətinə həbs edilib

Almatı İxtisaslaşdırılmış Cinayət Məhkəməsi Nursultan Nazarbayevin qardaşı oğlunun keçmiş həyat yoldaşı Gülmira Satıbaldıya hökm oxuyub.

“Report” xəbər verir ki, bu barədə “Sputnik Qazaxıstan” məlumat yayıb.

O, əmlakı müsadirə olunmaqla 12 il müddətinə azadlıqdan məhrum edilib.

Gülmira Satıbaldı özbaşınalıq, hədə-qorxu ilə tələb etmə və qanunsuz olaraq azadlıqdan məhrumetmədə təqsirli bilinib. Bu cinayət işində adı hallanan Madi Batırşayev isə 9 il müddətinə həbs edilib.