NATO Moskva ilə Minsk arasındakı sıx əməkdaşlıqdan narahatdır

NATO-nun baş katibi Yens Stoltenberq bildirib ki, ittifaq ölkələri Rusiya ilə Belarus arasında yaranan sıx əməkdaşlıqdan ciddi şəkildə narahatdır.

“Report” xəbər verir ki, bu barədə baş katib “Welt am Sonntag” qəzetinə verdiyi müsahibəsində bildirib.

Onun sözlərinə görə, NATO müdafiə ittifaqıdır: “Çox spekulyasiya etmək istəmirəm, amma biz aydın şəkildə Belarusda baş verənləri çox yaxından izləyirik. Əlbəttə ki, ittifaqın hər bir üzvünü qorumağa, Minsk və Moskvadan gələn hər cür təhdiddən müdafiə etməyə hazırıq”.

Yens Stoltenberq əlavə edib ki, Belarusdakı hadisələr NATO-nun Brüsseldə keçiriləcək sammitində müzakirə ediləcək.