Myanmada yenidən zəlzələ olub

Myanmanın Mandalay şəhərindən 53 kilometr məsafədə 4,9 maqnitudalı zəlzələ qeydə alınıb.

“Report” xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Zəlzələ 1,2 milyondan çox əhalisi olan Mandalaydan 53 kilometr cənubda qeydə alınıb. Zəlzələnin ocağı 35 kilometr dərinlikdə yerləşib.

Tələfat və dağıntı barədə məlumat verilmir.

Xatırladaq ki, martın 28-də Myanmada 7,7 maqntudalı güclü zəlzələ baş verib. Bunun ardınca 6,4 bal gücündə ikinci yeraltı təkan qeydə alınıb. Yeraltı təkanlar 5 ölkədə - Tailand, Banqladeş, Hindistan, Laos və Çində də hiss olunub.