Monqolustanın yeni prezidenti səlahiyyətlərinin icrasına başlayıb

Bakı. 10 iyul. REPORT.AZ/ Haltmaaqiyn Battulqa rəsmən Monqolustan prezidenti səlahiyyətlərinin icrasına başlayıb.

"Report" RİA "Novosti"yə istinadən xəbər verir ki, təntənəli inaqurasiya mərasimi Dövlt iqamətgahında deputatların, Konstitusiya Məhkəməsinin sədrinin, 2017-ci ilin prezident seçkilərində iştirak edən digər namizədlərin və xarici diplomatların iştirakı ilə keçirilib.

Çıxışı zamanı yeni prezident Çin və Rusiya ilə bütün istiqamətlərdə xarici əlaqələrin inkişafına və dostluq münasibətlərinin genişləndirilməsinə diqqət ayıracağına söz verib.