Məşhur milyarderin oğlu yol qəzasında yanaraq ölüb

ABŞ-ın “Bridgewater Associates” investisiya şirkətinin təsisçisi, milyarder Rey Dalionun oğlu Devon Dalio ağır yol qəzasına düşüb.

Bu barədə “Report” “Associated Press”ə istinadən xəbər verir.

Qeyd olunub ki, yol qəzası Qrinviçdə baş verib. Belə ki, səkinin üzərinə çıxan avtomobil mağazaya çırpılaraq dayanıb. Daha sonra avtomobil alovlanıb.

Devon Dalio yanaraq vəfat edib. Hazırda polis qəzanın baş vermə səbəbini araşdırır. İlkin məlumata görə, qəza zamanı avtomobilin yanacaq çəni partlayıb.