Meksikada silahlı hücum zamanı 6 nəfər ölüb, onlarla insan yaralanıb

Meksikanın Syudad Obreqon şəhərində baş verən silahlı hücumda bir neçə nəfər öldürülüb, onlarla insan yaralanıb.

“Report” bu barədə “Associated Press” məlumat yayıb.

Məlumata görə, Kajeme qəsəbəsində şənlik mərasimi zamanı 3 silahlı şəxs evə hücum edib.

Hadisə zamanı 6 nəfər həyatını itirib, 4-ü ağır olmaqla 26 nəfər yaralanıb. Xəsarət alanlardan 2-nin yaşının 18-dən az olduğu bildirilir.

Prokuror Qustavo Salas Sançes açıqlamasında ölən 6 nəfərdən 5-i barəsində həbs qərarının olduğunu bildirib.

Hadisə ilə bağlı araşdırmalara başlanılıb. Ehtimal olunur ki, insident qruplaşmanın qarşıdurması nəticəsində baş verib.