MDB xüsusi xidmət orqanlarının rəhbərləri 20-ci iclasın vaxtı ilə bağlı razılığa gəlib

Müstəqil Dövlətlər Birliyinə (MDB) üzv dövlətlərin təhlükəsizlik və kəşfiyyat xidmətlərinin orqanlarının rəhbərləri 20-ci - yubiley iclasının 2024-cü ildə keçirilməsi barədə razılığa gəliblər.

“Report” TASS-a istinadən xəbər verir ki, bu barədə Rusiya Xarici Kəşfiyyat Xidmətinin direktoru Sergey Narışkin bildirib.

“Gələn il növbəti - 20-ci, yubiley görüşün keçirilməsi ilə bağlı razılaşdıq. İclasın keçirilmə yeri hələ seçilməyib, lakin bu, Birlik dövlətlərindən birinin paytaxtı olacaq”, - o MDB dövlətlərinin təhlükəsizlik orqanları və kəşfiyyat xidmətləri başçılarının 19-cu görüşündən sonra jurnalistlərə deyib.