Mali ordusu ölkənin cənub-qərbində terrorçuların bir neçə bazasını məhv edib

Mali Silahlı Qüvvələrinin bölmələri ölkənin cənub-qərbində antiterror əməliyyatı keçirib.

"Report" xəbər verir ki, bu barədə AES INFO informasiya portalı məlumat yayıb.

Mali hərbçiləri ərazidə bir neçə terror bazasını aşkarlayaraq məhv edib. Bundan əlavə, onlar Nara və Kvala şəhərlərini birləşdirən yolu açıblar.

Ordu bölmələri, həmçinin yerli əhalidən quldurlar tərəfindən oğurlanmış mal-qaranı geri qaytarıblar.

Qeyd edək ki, Mali hakimiyyəti ilə ekstremist və separatçı qruplar arasında silahlı münaqişə 2012-ci ildə başlayıb. O vaxtdan bəri ölkə, ilk növbədə, təhlükəsizlik və sosial-iqtisadi inkişaf sahəsində böhranlı vəziyyətdədir.