Bakı. 20 fevral. REPORT.AZ/ Liviyanın şərqində baş verən terror aksiyası nəticəsində 30-dan çox adam ölüb.
"Report" "TASS"a istinadən xəbər verir ki, hadisə böyüklüyünə görə paytaxt Tripolidən sonra ölkənin ikinci şəhəri sayılan Benqazinin əl-Kubba rayonunda baş verib.
Xatırladaq ki, bundan əvvəl silahlı qüvvələrin mənzil-qərargahı yaxınlığında minalanmış üç avtomobilin partlaması haqda da xəbərlər yayılmışdı.