Livanın Baş naziri 15 ildən sonra ilk dəfə Suriyaya rəsmi səfər edib

Livanın Baş naziri Nəcib Mikati Suriyaya səfər edib.

“Report” TASS-a istinadən xəbər verir ki, bu barədə “Al Mayadeen” telekanalı məlumat yayıb.

Bu, 2010-cu ildən bəri Livan hökumət başçısının Dəməşqə ilk rəsmi səfəridir.

Telekanalın məlumatına görə, N.Mikatinin yeni Suriya administrasiyasının rəhbəri Əhməd əş-Şaraa ilə danışıqları başlayıb.

Qeyd olunub ki, nümayəndə heyətinin Dəməşqə səfəri ilə bağlı qərar yanvarın 7-də Livan Nazirlər Kabinetinin iclasında qəbul edilib.