Litvada NATO qoşunlarının iştirakı ilə təlimlər başlayır

“Alovlu ildırım 2024” atəş dəstəyi bölmələrinin beynəlxalq təlimi bu gün Litvanın üç poliqonunda başlayacaq və həftənin sonuna qədər davam edəcək.

“Report” xəbər verir ki, bu barədə yerli KİV məlumat yayıb.

Məlumata görə, təlimdə Litva Ordusunun Quru Qoşunlarının artilleriya bölmələri, həmçinin NATO-nun Litvada yerləşən qabaqcıl bazalı qüvvələrinin hərbi texnikası, eləcə də, ABŞ-nin 82-ci artilleriya alayının 1-ci batalyonu iştirak edəcək.