Litva 14 milyon avroya İsveç qumbaraatanlarının alınmasına dair müqavilə imzalayıb

Vilnüs İsveç istehsalçısı ilə 14 milyon avroya “Carl Gustaf” tank əleyhinə qumbaraatanların alınması üçün müqavilə imzalayıb.

"Report"un məlumatına görə, bu barədə Litva Müdafiə Nazirliyi xəbər yayıb.

“Müdafiə Resursları Agentliyi İsveçin “SAAB Bofors Dynamics AB” şirkətindən 14 milyon avroya “Carl Gustaf” tank əleyhinə qumbaraatanların alınmasına dair müqavilə imzalayıb”, - məlumatda bildirilir.

Müdafiə Nazirliyi bildirib ki, düşmənin zirehli texnikası və canlı qüvvəsi ilə döyüşmək üçün nəzərdə tutulmuş M4 model qumbaraatanlar alınır. Silahlar Litvaya 2025-2026-cı illərdə gələcək.