Küveytdə vergilər tətbiq edilə bilər

Bakı. 21 yanvar. REPORT.AZ/ "Küveyt ölkədə vergilərin tətbiq olunması variantını nəzərdən keçirəcək". "Report" "Bloomberg"ə istinadən xəbər verir ki, bunu Küveytin maliyyə naziri Anas əs-Saleh deyib.

Nazir fiziki şəxslərin gəlirləri, mənfəət və satış üzrə vergi tətbiqini təklif edib.

Xatırladaq ki, dünyanın ən böyük neft hasil edən ölkələrdən biri olan əmirliyin vətəndaşları hazırda vergi ödəmir. Ölkə büdcəsi əsasən neft ixracı sayəsində formalaşır.

Qeyd edək ki, neftin qiymətinin aşağı düşməsi nəticəsində ötən ilin ilk 11 ayında Küveytin neft ticarətindən əldə etdiyi gəlirlər 45% azalıb.