Konqo Demokratik Respublikasında 117 nəfər vəbanın qurbanı olub

Bakı. 13 avqust. REPORT.AZ/ Ötən ay Demokratik Respublikasında 117 nəfər vəbanın qurbanı olub.

“Report” xarici mətbuata istinadən xəbər verir ki, bu barədə ölkənin Səhiyyə Nazirliyi məlumat yayıb.

Nazirliyin məlumatında qeyd olunur ki, iyunun 11-dən başlayan vəba epidemiyası zamanı 3140 nəfər bu xəstəliyə yoluxub. Onlardan 117-inin həyatını xilas etmək mümkün olmayıb.

Xəstəliyin ölkənin digər bölgələrinə yayılması riskinin mövcud olduğu bildirilir.

Ümumdünya Səhiyyə Təşkilatının məlumatlarına görə, keçən il ölkədə vəbaya yoluxan 517 nəfər həyatını itirib.