KİV: Kanada diplomatlarının ailələrini İsraildən İordaniyaya təxliyə edir

Kanadanın Təl-Əvivdəki səfirliyi İsrail Xarici İşlər Nazirliyinə məlumat verib ki, avqustun 7-də kanadalı diplomatların ailələri yəhudi dövlətini tərk edərək İordaniyaya gedəcəklər.

“Report” xəbər verir ki, bu barədə “Ynet” portalı məlumat yayıb.

Məlumata görə, Kanada təhlükəsizlik vəziyyətinin pisləşməsi və İranın gözlənilən hücumu səbəbindən diplomatlarının ailələrini İsraildən təxliyə etmək qərarına gəlib.