KİV: İsraildə həyəcan siqnalından sonra 18 nəfər xəsarət alıb

İsraildə Yəməndən raket buraxılması ilə əlaqədar hava həyəcanı elan edildikdən sonra mərkəzi bölgədə azı 18 sakin xəsarət alıb.

“Report” xəbər verir ki, bu barədə “The Times of Israel” qəzeti məlumat yayıb.

Nəşrin məlumatına görə, insanlar bomba sığınacaqlarına tələsərkən xəsarət alıblar.

Raket hücumu təhlükəsi həmçinin Tel-Əvivdəki Ben-Qurion beynəlxalq hava limanının işinin təxminən 30 dəqiqəlik dayandırılmasına səbəb olub, bu müddət ərzində hava limanı reyslər qəbul etməyib və yola salmayıb.