KİV: Argentina Prezidenti BMT-də Kuba ilə bağlı səsverməyə görə XİN rəhbərini işdən çıxarıb

Argentina Prezidenti Xavyer Miley xarici işlər naziri Diana Mondinonu BMT Baş Assambleyasında ABŞ-nin Kubaya qarşı ticarət və iqtisadi embarqonun sona çatdırılması ilə bağlı qəbul edilən qətnaməni dəstəkləməsindən sonra vəzifəsindən azad edib.

“Report”un məlumatına görə, bu barədə TN telekanalı xəbər verib.

Mənbələr Mileyin yeni xarici işlər naziri seçdiyi, lakin onun adının hələ açıqlanmadığı bildirilir.

Daha əvvəl, çərşənbə günü BMT Baş Assambleyası ABŞ-nin Kuba üzərindəki iqtisadi, ticarət və maliyyə sanksiyalarını ləğv etməyə çağıran qətnaməni növbəti dəfə qəbul edib. Qətnaməyə 187 ölkə dəstək verib. ABŞ və İsrail sənədin əleyhinə çıxıb, Moldova isə səsvermədə iştirak etməyib.